呂方自然瘦咗8磅　預告開騷有神秘嘉賓

歌手呂方將於下月初在紅館舉行演唱會，昨日他為個唱綵排，他表示已進行得如火如荼，除了練歌外又要排舞：「都有幾首歌要跳舞，記舞步記到暈，我都好耐冇跳舞，好在啲舞唔係好勁，只係中板拍子，穿插吓令個表演好睇啲。」之前他揚言要為個唱減10磅，他稱已減了8磅：「都唔需要特別減就自然瘦，因為每日企足六個鐘綵排。」

另外，呂方透露於一月中曾確診新冠，當時擔心影響聲帶及中氣：「依家有Keep住游水同睇中醫調理，把聲都OK。其實咁接近演唱會中都擔心，我冇乜病徵，只係咳，但有啲手尾，要畀時間調理。當時全家都中晒，囡囡都中咗，但佢好快好番。」問到個唱當晚，女兒會否到場觀看？他笑言女兒只有兩歲，相信沒有耐性坐足全晚，但都想讓對方欣賞一會兒。至於演唱會嘉賓方面，他透露除了杜德偉及譚嘉儀外，還有一位神秘嘉賓。