許冠傑個唱加場　林家謙Serrini代宣布喜訊

殿堂級歌手許冠傑（Sam）4月在紅館舉行6場演唱會，據知反應熱烈，6場門票已被搶購一空，終宣布加開4月14日最後一場，作為阿Sam個唱主辦單位兼老友鄭丹瑞（阿旦）笑言自把自為，他特別找來新生代人氣歌手林家謙及人稱「陀地歌姬」Serrini代為宣布加場好消息。

素顏戴上眼鏡的Serrini，坐在私家車上拍片，她說：「我都唔知點解佢會叫我宣布，但我好興奮，阿Sam6場演唱會迅速賣晒，依家加多一場，我都諗帶爹哋去睇，希望幫佢宣布後，我可以帶埋我爹哋去睇騷。」而林家謙就頂着一頭亂髮搞笑以阿Sam的名曲《浪子心聲》歌詞：「命裏有時終須有，命裏無時莫強求」開頭，他說：「依家唔使強求啦，歌神Sam Hui決定加場，大家把握機會！」

阿旦表示阿Sam吩咐過他，點都好演唱會飛一定要平，一家要益大家，所以加場票照舊是$380及$880元，更會將加場的大部分門票明日作公開發售。