岑麗香變番包包臉兼單眼皮　力證絕冇加工

前華姐冠軍岑麗香（香香）自從與強強結婚後，先後誕下2個兒子，一家四口幸福美滿，而佢亦大量減少幕前演出， 轉型擔任媽媽KOL，經常被指外貌再進化嘅佢，近日喺社交網晒新相，其中1張新相可見，佢似乎稍為發福，用手托腮展現出包包臉，不過條纖腰依然Keep到，未知係咪拍攝角度關係，佢突然變番多年前舊照中嘅單眼皮樣貌，網民留言話香香用1張照片足以力證個樣貌無加工，絕對係天然美呀！