張栢芝二仔Quintus暴風成長　100%還原謝霆鋒靚仔樣

女星張栢芝有仔萬事足，同3個仔感情都好好，日前佢同二仔Quintus用咗大仔Lucas嘅手機玩自拍，仲將片段放上社交網，又留言笑指：「偷了哥哥的手機無聊的在拍視頻。」見栢芝攬到Quintus實一實，之後仲齊齊做出大心心手勢，期間栢芝更小鳥依人般挨落Quintus嘅膊頭，望落似一對小情人多過兩母子，相當甜蜜。唔少網民都大為感動，直指由小睇到Quintus大，現時已能夠成為媽媽嘅依靠，感到非常欣慰，又指Quintus愈大愈有型，戴上黑超後更爸爸霆鋒餅印一樣，基因強大。