蔡卓妍型格牛仔Look　與韓星李多熙言談甚歡

歌手蔡卓妍（阿Sa）和曾樂彤獲邀飛巴黎出席時裝周，阿Sa以一身型格牛女造型登場，貼身牛仔背心上衣配搭超闊喇叭牛仔褲，再披上長牛仔褸，十分奪目，她表示一向喜歡牛仔裝：「呢個Tone-on-Tone嘅牛仔衫，因為我係一個牛仔控，哈哈！」場內阿Sa與「韓國第一長腿」稱號的韓國女星李多熙並排而坐睇Show，二人言談甚歡。

曾樂彤以散發法國風情打扮，性感登場，復古裙配黑色禮帽，詮釋法式浪漫，她表示身上「戰衣」看似簡單，其實剪裁獨特：「好有Cutting，裙身嘅通花鏤空裁剪，好有心思，加埋件外套，適合巴黎天氣，唔算好凍，入到會場後心情興奮、好開心。」問到是次巴黎之旅，可會瘋狂血拼時，她表示到抵後已開始掃貨，買了不少心頭好，包括鞋、外套和太陽眼鏡。