驚傳與盛品儒婚變　蔡一鳳獨守空房4個月

名媛蔡一鳳（Michelle）與夫婿盛品儒2014年結婚，並育有一對龍鳳胎，但近日有傳二人感情破裂，甚至已秘密離婚，令人震驚！不過盛品儒極力澄清，指自己去年返大陸出差Stay近八個月，雖然佢已經返到香港，不過就到Michelle出差，因此好少見面。盛品儒強調二人關係密切，平時又會送花氹太太，二人專注喺仔女身上，嚟緊結婚10周年紀念更分分鐘會大搞！Michelle則表示兩公婆感情良好，又會一齊睇戲。不過早前等老公返港等咗4個月，而盛品儒都好識做，準備送禮物補償，Michelle更開玩笑叫老公買飛機畀自己。