曾比特任暟晴Busking打孖上　逼爆銅鑼灣

歌手曾比特與任暟晴（Jasmine）日前於銅鑼灣Busking大唱張國榮（哥哥）金曲，期間兩人更合作張國榮的《為妳鍾情》，向一代偶像致敬，吸引大批市民圍觀，有學生哥特別前來捧曾比特場，令他大為感動，獻唱完畢後，更不停向現場市民致謝，感激支持。

另外，曾比特為J2台節目《鋪鋪Poker》任嘉賓，期間談到喜愛的運動，曾比特指自己鍾情跳繩及跑步︰「減肥跳繩真係好屈機，其實我生活都好枯燥……嘢食都唔識煮，淨係識煮公仔麵，不過我煮嘅公仔麵唔錯㗎。」主持之一劉浩龍即刻打蛇隨棍上開玩笑問另一主持陳欣茵：「你想唔想食呀？」想不到她毫不避嫌秒回︰「想！梗係想。」欣茵事後接受訪問時解釋「有人煮梗係食，仲要Mike（曾比特）喎。」被問到曾比特是否喜歡的類型時，她直言喜歡有才華的男仔︰「如果阿Mike都係屬於有才華嘅男仔，咁咪係囉。另一半要有發光、發亮嘅一點，畀我去仰慕。」