陳展鵬單文柔情侶裝行山放閃　冧爆老婆大讚素顏天生麗質

藝人陳展鵬與太太單文柔（Phoebe）於2018年結婚，他榮升人父後，不時會在社交網大晒幸福分享一家三口或湊女的照片。他最近上載與太太身穿情侶運動裝行山的影片，全程打情罵俏，放閃晒恩愛：「嘩！呢個美顏好勁吓喎！」不過單文柔沒有開美顏，並表示：「冇美顏、純天然，100%無添加。」陳展鵬又問：「妝都冇化？（單文柔靠近鏡頭）係喎！真係好似冇化喎。喺邊度做Facial呀？」到最後其實夫妻耍花槍只是為了稱讚對方天生麗質，皮膚白滑！