Lokman為新戲去到盡　自爆有監督姜濤做運動

男團MIRROR隊長Lokman出席「第四十七屆香港國際電影節」記招，他參演的電影《命案》將成命為開幕電影，記招上更播放花絮片段，片中的他眼神令人不寒而慄，Lokman也認同說：「之前第一次喺柏林睇，都發現原來自己可以去到咁盡。（分分鐘出年有提名？）我冇得提名新人獎。（咁影帝呢？）如果有得提名已經好叻。」

談到MIRROR即將推出英文歌，Lokman表示希望讓廣東話以外的聽眾也能認識他們，問到是否想攻入「姐姐」市場？他笑說：「今次係主打女性市場，平時係老少咸宜，希望大家都鍾意個曲風啦！」對於隊友姜濤近日因身形問題經常成為討論對象，以致拍廣告都全程崩緊兼沒胃口，Lokman即力撐表示：「我哋平時拍攝都冇心機食嘢，不過姜濤算叻，當日佢出嚟都話聽到有聲音，但冇繼續轉入去，好從容。（瘦番晒？）都要慢慢，但要健康去減，我哋都有監督住佢，有時見佢輕輕跑，都會叫佢試吓其他運動，一齊做就少啲，會叫佢踩單車，或者去Stanley（健身室）度，佢係老闆嘛！」