郭可盈林文龍賀水晶婚　結婚19年依然恩愛全靠8個字！

藝人郭可盈與老公林文龍出名係圈中嘅模範夫妻，今年係佢哋結婚19周年，昨晚佢哋就孖住食飯慶祝，望住維港海景共進晚餐，不過就唔係二人世界，而係帶同媽媽及阿女一齊慶祝，享受家庭樂。郭可盈網晒合照，並多謝媽媽送贈比翼鳥水晶，寓意「比翼雙飛」，佢又留言分享夫妻相處之道：「結婚19周年，水晶婚，謝謝親愛的媽媽送給我們這份心意禮物。最重要的兩句說話『相知相愛、天長地久』我倆會銘記於心！LOVE YOU MUM！」