岑麗香慶祝大仔4歲生日　不捨長大：永遠係我BB！

前華姐冠軍岑麗香（香香）與老公育有兩子，一家四口幸福滿瀉，今日（12日）係大仔Jacob 4歲生日，佢哋當然全家總動員出動為大仔慶生，香香於社交網大晒靚相，見佢哋去到室內遊樂場放電，玩繩陣及大型滑梯等，相當樂在其中，香香又特意準備車車公仔造型生日蛋糕，好有心思，細仔仲食到成個嘴都係朱古力，認真搞笑，香香留言笑指：「一個食手指，另外一個爆喊，Oh well haha，算啦係咁㗎啦！」並指雖然大仔又大1歲，但喺佢心目中永遠都係BB。