區瑞強無忘初心　回歸民歌福地開騷

歌手區瑞強（Albert）將於下月底在大會堂舉行演唱會，今次名命為「私房」演唱會，顧名思義設計概念像一個「私房」聚會，與大家近距離接觸及互動，亦是Albert真正意義上的「個人」騷，他說：「以往好多演唱會都得到多位歌星朋友到場支持，但今次由我一人現場為大家唱出一啲數十年來都冇機會喺騷度唱嘅歌，包括多首60至80年代嘅經典英文歌曲同中文黑膠時代嘅名作。」

Albert透露也會挑選一些圈中好友如陳百強、張國榮、羅文、許冠傑、鄧麗君、梅艷芳等十多位經典歌手的作品：「不過話明平時較少機會唱，當然唔會係最大路嘅歌。」是次演唱會回到他年少時初次公開表演的舞台，他指大會堂可以說是他的民歌福地，因他在這裏開始歌唱生涯，無論是中學時以學校民歌代表身份出席頒獎禮，或是其後參加過的眾多大型歌唱比賽決賽也在這個「Folk地」舉行，適逢今年是大會堂建立60周年，可說是別具意義。