蔡依林Bra Top騷纖腰　1句話揭露感情狀況

台灣天后蔡依林昨日（14日）出席時尚品牌活動，以黑色皮質Bra Top配彩色拼接長裙性感上陣，大晒白滑香肩同Fit爆纖腰，再為品牌戴上價值不菲嘅珠寶，搶盡全場焦點！而適逢今日係白色情人節，受訪時被問到打算點慶祝，佢竟然話：「今天是情人節我都忘了。」睇嚟單身多年嘅佢感情依然未有着落啦！

早前忙完巡迴演唱會嘅佢，被問到今年會再開騷嗎？佢就驚訝咁話：「還看不夠嗎，已經唱了3年，但演唱會有在想在其他城市開，也不知道現在有沒有機會。」而問到新專輯嘅進度，佢表示目前仍然係籌備當中，佢話：「我也希望年底前，但大部分都卡在歌詞，還沒有很滿意，就有點延遲了。」