吳業坤補辦婚宴　講明3年後先生B

32歲吳業坤去年5月突在網上大掟震撼彈，在零預警下宣布和比他年輕5歲的日本藝人濱口愛子結婚，而太太現已隨夫來港定居做「香港媳婦」，更請得太太擔任新歌《百二歲》的MV女主角，實行夫唱婦隨。結婚10個月，坤坤早前已預告開拍新劇《NEWS新聞女王》前和太太補舉行婚禮，他說：「係小型西式Party，請自己親戚同好熟嘅朋友。」而為結婚減肥的坤坤今日（15日）在尖沙咀酒店進行婚宴，到賀的圈中好友，包括陳山聰、薛家燕、陳敏之、胡鴻鈞、鄭世豪、無綫高層樂易玲及黃浩然和太太。

吳業坤和新娘子濱口愛子補擺喜酒，雖然他形容為小型西式party，但儀式做到足，除早上向雙方家長敬茶外，分別穿上中及西式禮式，而新娘着裙褂時，行頭十足，雙手戴上約4對超厚龍鳳鈪，還有金戒子及金飾頸鏈，而坤坤心口掛上大金豬牌等，相當夠體面。

至於在婚宴上，濱口愛子換上15呎長裙擺的婚紗，但款式保守包到上頸，未有露出驕人事業線，手上帶上鑽石手鏈和鑽戒的她，由日籍爸爸拖住進場，之後再交給坤坤，兩人更在逾百來賓面前，情深一吻，再手拖手切結婚蛋糕，之後在live band的伴奏下，輪流上台唱歌，坤坤更十足舉行演唱會一樣，更日文騷哥利，獻唱日本歌手秦基博的歌曲《愛》。

一對新人應傳媒要求現身拍照，坤坤親吻太太臉頰3次及齊婚戒，但以怕醜為由拒絕當眾咀嘴，之後太太先行離開，獨留坤坤受訪，他表示：「今日流程好簡單，因為我哋註咗冊，所以叫做補擺喜酒啦，早上向長輩敬茶時，媽媽好感動到減，我都眼濕濕，太太都喊。」

而其首度來港的日籍外父外母昨晚來港，他要零晨時分到機場接機，他說：「佢哋好感動，我有7、8位日本朋友嚟埋，本來想請多啲朋友，但場地唔係好大，所以唔得囉，現場唱好多，其中一首日文歌要唱畀太太聽，因為呢首歌就係大家啱啱識時，太太話呢首歌嘅歌手係佢偶像，所以我一直記喺心，但擺埋咗冇練咗，直到結婚時，我就諗起要唱，加上有live band，當驚喜送畀老婆。」問到定情歌練了多久？他笑言：「練咗幾年，鄭俊弘、伍仲衡都有jam歌。」

問到被催生bb？他謂：「現場位大妗姐都不停咁講，叫我連生貴子，生夠10個，但唔會住，想事業為先，有事業先有小朋友，我諗3年後，（但外父催你喎？）其實外父有好多個孫，係心急咗少少，我阿媽都心急，但係依家搏殺時期，本來都想度蜜月，但就快要入組拍劇，不過要結婚請咗幾日假，聽日就準備開工拍劇又要錄歌，（之前你講婚後睇多咗愛情動作片喎？）冇時間睇，劇本都冇時間睇，工作為先，胡鴻鈞唱咗首歌都要趕住走呀。」