陳庭欣同男友日本喪食太放縱　新劇着貼身裙要收身

藝人陳庭欣（Toby）今日（15日）為明珠台節目《Dolce Vita至尚生活》革新記者會擔任司儀，Toby透露今日一連三個工作，還要主持《東張西望》及為新劇試造型：「劇集我只係做其中一個單元，我飾演拍賣行嘅人，但仲未睇劇本。」她自言劇中服裝有不少貼身裙，故要努力收身：「最近同男友飛咗去日本旅行，放縱咁食，所以肥咗唔少，我跟住公司嘅旅遊節目去覓食，食咗好平嘅廚師發辦。」她稱除了公司工作外，還接了不少司儀外快，非常感恩，問她有否加價？她坦言：「都係之前個價，真心好抵用，邊敢加價，仲要躬鞠躬感謝，依家工作量已經去番疫情前。」