香港亞洲電影投資會圓滿結束　導演祝紫嫣成大赢家

「第二十一屆香港亞洲電影投資會」今晚發20項電影大獎，關錦鵬監製、新導演祝紫嫣執導的電影《但願人長久》成為大贏家，共得5項大獎，當中包括「製作中項目大獎（香港）」等，為台前幕後打了強心針。

該片由台灣演員吳慷仁、袁澧林及許恩怡領銜主演，籌備3年，去年7月開鏡，先後於香港、台灣及東京取景，預算今年年底上映，目前正於後期製作階段。談到今次得獎，祝導形容「好意外」：「應該係關錦鵬發功，大家慕佢個名嚟睇我哋。（佢咁錫妳，拜咗佢做師傅？）如果佢唔介意，我梗係好願意。（點解今晚佢冇現身？）佢另外有工作。」

今次得奬，團隊共得6位數獎金，祝導坦言：「我哋用咗政府資助嘅500萬做製作費，部份幕後未出糧，依家可以嘞。（演員冇收錢？）有，不過係低價，尤其吳慷仁好鍾意個劇本，佢冇睇酬勞就埋位。」