楊紫瓊奪奧斯卡影后　點解馬國明要為佢放假？

視帝馬國明、陳山聰、唐詩詠等主演嘅無綫劇集《隱形戰隊》上周首播高開，收視達23.4點，逾151萬人捧場！不過近日主角馬國明就自爆佢同剛剛勇奪奧斯卡金像獎「最佳女主角」、為華人爭光嘅馬來西亞華裔女星楊紫瓊有「關係」，仲公開發文：「執行任務中，沒有放假。#楊紫瓊獲獎馬國明放假##隱形戰隊#……🤣😂🤣😂🤣 ​​」自抽嚟宣傳新劇。

原來佢係抽水早年馬來西亞一則報道是以「大馬羽球賽李宗偉奪冠　馬國明放假一天」作標題，當時有網民誤讀以為係「馬國明」放假一天。而今次楊紫瓊成首位華人奧斯卡影后，作為馬來西亞之光，當地瘋傳政府為慶祝佢獲獎，周三（15日）定為公眾假期。首相署隨即澄清，消息全屬虛構。