瘦到面變形　陳凱琳親揭湊3件辛苦真面目

前港姐冠軍陳凱琳（Grace）一月為老公鄭嘉穎誕下第三胎兒子Carlos，加埋家中本身兩位公子，依家Grace一拖三無力分身，只可以專注湊小朋友，難得佢成日都有閒情逸致keep住上載update社交網，力保人氣及KOL身份，都真係唔話得！再次照顧到網友心情嘅佢，今次就上載多張同小朋友交流嘅居家照，包括化晒濃妝於家中抱B接受口服疫苗、淡妝抱細仔自拍等，更出賣鄭嘉穎「頭都痛埋」嘅湊仔樣，看似幸福又美滿。

不過今次Grace出post，原來唔係晒幸福，而係親揭做「黃面婆」嘅痛苦真相，佢以英文留言狂呻最近過得好辛苦，自己都好不知所措，但好在佢識得對外發洩搵出氣點，亦勇於承認自己搞唔掂，難怪相中見佢雖已臉掛脂粉欲遮蓋殘倦臉容，但仍睇得出佢瘦到面形都變埋，下巴愈嚟愈尖，睇到網友心都痛埋。