岑寧兒發脾氣降躁有妙法　唔出聲為上策

歌手岑寧兒（YoYo）今日（16日）出席物業項目發布會，憑靚聲做售樓書的聲音導航，她表示一向有錄聲的習慣，做售樓書則是首次，她說：「我成日都同朋友講，失眠就聽我啲歌，幾分鐘就瞓着。有朋友話塞車聽我嘅歌，個人會平和啲，無咁躁！」

自言甚少發脾氣，不夠瞓和肚餓才會忟，但最爆都只會不作聲，她說：「睇書教我如果好嬲就唔好講嘢，避免講啲傷害說話，試過去旅行成個鐘都唔出聲，（做你另一半好幸福？）呢個係假設性問題，唔答啦！」

YoYo透露3至4月都很忙，問到何時開個人演唱會，笑言有新作品才會開，目前努力創作當中，未知進度。對於已故好友盧凱彤（Ellen）本月27日生忌，YoYo稱每年這個日子都會預留休息，她說：「未知會做甚麽，每年佢嘅生日和死忌，都想一個人靜靜地度過。」