周柏豪預留時間去連詩雅婚禮:總之全日畀晒佢!

2023年03月17日 16:03
東網電視
更多新聞短片
歌手周柏豪與音樂監製周錫漢今日(17日)到港台拍攝節目《港樂•講樂》,除了唱歌講音樂外更大談湊仔經,柏豪說:「我哋合作咗10幾年,由大家拍拖、結婚、生仔都見證住對方,亦都係佢幫我用音樂記錄落嚟,所以一齊做呢個節目好有意義。」
講到湊仔的煩惱,他笑言現在3歲的女兒很似現在的他,相當有性格,令他哭笑不得:「依家搵緊學校,同個女講就嚟要面試,佢就話我會扭計㗎。同老婆又唔係話個女要讀書好叻,但又唔可以乜都唔做,搵學校亦唔係話家長鍾意就得,都要個女啱。」女兒性格十足,他指可能是遺傳,他說:「我依家都主觀啲,要做嘅嘢冇人可以改變到。」
講到工作他指將會到內地舉行15場巡迴演唱會,但已預留時間出席連詩雅的婚禮,他說:「就算即日來回都會返嚟,依家通關冇藉口,總之全日畀晒佢,喺佢身邊佢就開心。」他又笑指因女兒太有性格不接受指領,加上要返學,故不會為連詩雅擔任花女。