張振朗拒再唱張智霖歌曲 林鈺洧自覺適合做主持

2023年03月17日 22:16
東網電視
更多新聞短片
藝人張振朗、應屆港姐林鈺洧、許子萱、梁超怡、邢慧敏,今晚(17日)在尖沙咀出席晚宴。近期忙拍無綫新劇《奪命提示》的張振朗,收工後即趕及出席為晚宴唱歌,他表示已有很長時間沒公開唱歌,及着得靚靚出席活動,故心情有點緊張。問到是否再唱張智霖的歌曲?他說:「唔係,戒咗好耐喇,今晚唱林峯同埋陳奕迅嘅歌。」問到可希望有自己的歌?他說:「其實最想係唱自己劇集嘅主題曲,好似以前羅嘉良咁,我只係唱過一次,希望有多啲機會。」
拍劇發生意外傷眉角的他仍貼上除疤膠布,他笑言膠布也連戲,近期開工則相當平安,他說:「今次拍文偉鴻嘅劇好開心,劇本、動作都好好;大家睇佢嘅《隱形戰隊》就知。」講到蔡天鳳碎屍案中,被捕潘姓女子曾與他合照,他指相片是多年前在活動拍,對方是朋友的朋友,因不清楚事件,故不作回應。
林鈺洧近期頻頻出席晚宴,一星期走兩場,講到她任嘉賓主持的節目《健康必殺尖食》出街後,覺得自己適合做主持她說:「今次學識咗好多,嘗試到做主持,初時以為只係可以跟稿講,所以初時會少啲嘢講,後來就知道可以自由發揮,睇反應都有人讚我講嘢幾好,自己都鍾意做主持,亦鍾意食嘢,可以話工作於娛樂。」問到拍節目可有增磅?她說:「反而瘦咗,因為我哋個節目係講健康飲食,所以食物都好健康,同埋由朝拍到晚都幾攰,每次都係食少少食,所以瘦咗。」