張敬軒倫敦騷空前成功　離場獲過千民眾包圍狂影

歌手張敬軒日前於英國倫敦開騷，連唱多首金曲，演出空前成功。佢完騷後坐車離開時，更獲當地過千民眾包圍舉機拍照，巨星級排場力證天王地位，佢即於社交網發文多謝大家支持：「好凍嘅天氣，多謝大家嘅熱情！好多謝倫敦嘅觀眾畀咗一個奇妙嘅晚上我！好享受嘅一晚！」而同樣身在倫敦嘅好友蔡卓妍（阿Sa）亦有支持，仲相約佢騷前High Tea：「軒公goooooood shooooooow！好開心喺倫敦同你食咗個"afternoon tea"，好闊太呀呢件事！」