蔡思貝騷纖腰梳孖髻賣萌　餅印媽媽激罕曝光

視后蔡思貝喺熱播劇《廉政狙擊》演出大獲好評，不過喺劇中造型比較保守，冇乜養眼嘅火辣場面，但係身材出名Fit爆嘅佢，日前就喺社交網大派福利，將粉紅襯衫綁起，大晒無敵纖腰，同埋梳上孖髻髮型賣萌，一眾網民都畀佢冧暈呀！

佢留言指呢輯靚相係由媽媽親自操刀，最後仲好罕有咁大晒媽媽嘅靚樣，即時引起網民熱烈討論，因為蔡思貝同媽媽十足餅印一樣，網民大讚伯母同樣都係一位大美人，「唔怪得之思貝你咁靚，原來媽咪係一位超級大美人」、仲有網友指伯母同惠英紅有啲似樣添！