吳謹言Wet妹上身引熱議　疑為「復出」舖路

內地女星吳謹言當年憑《延禧攻略》一劇爆紅，但之後接拍多部作品，包括《皓鑭傳》、《尚食》等作品反響平平，更已有近1年時間冇入劇組，但依然人氣高企，佢今日（18日）喺社交網大晒2張化身Wet妹嘅相，留言：「淺當一天千禧辣妹」，引起熱議。佢戴上灰色頭巾，畫上藍色眼影加上煙熏眼妝，型格十足，同佢平時清純風格好唔同，令網民好有驚喜，仲問佢係咪趁住改變造型為「復出」幕前舖路呢？