李幸倪Bra Top上陣　連唱3首快歌跳到腳軟

歌手李幸倪（Gin Lee）今日（19日）到沙田馬場擔任表演嘉賓，以Bra Top上陣跳唱快歌《Dum Dum》、《IDK》及《喘息空間》。她稱對上一次連續唱跳3首歌已是2018年演唱會，不過今次的舞蹈更強勁：「對我嚟講係個新挑戰，頭先跳到中途腳軟，可能食唔夠嘢，因為食太多個肚會脹，下次再有機會會食多少少嘢，今次算係攞個經驗。」Gin指表演完總算放下心頭大石可以輕鬆一下吃大餐及揼骨：「呢幾日一直練舞搞到腰酸骨痛，希望有時間去揼骨放鬆。」另外，Gin稱難得來到馬場也會趁機投注以測試自己運氣，問她是否有橫財命？她說：「試過求其講幾個號碼畀朋友，真係中獎，但因為太大壓力，之後朋友再問，我已經冇再講。」