吳綺莉親揭女兒吳卓林近況：我以前做錯咗！

藝人吳綺莉（Elaine）今年轉戰做直播帶貨，每次直播前都有做足功課，表現不俗！與女兒吳卓林關係決裂多時嘅佢，近日佢開直播同網友傾偈，佢望落狀態唔錯，仲以全素顏出鏡，同網友玩有問必答！有網友問到卓林近況，吳綺莉話：「女兒現在是在學習當中，我覺得要讓她自己去學習，因為很多東西媽媽講多少都沒用，要自己去感受體會了才懂，她碰了覺得痛了，她就知道那個是不對的。」佢又表示知道以前對待女兒嘅方法錯咗，唔應該只係叫女兒唔好做呢樣，唔好做嗰樣，反而出現反效果，依家要接受女兒有自己嘅思想，喺背後默默支持對方：「現在我就要學得溫柔一點。」睇得出吳綺莉心態比之前放鬆咗唔少！而被問到當年有冇後悔與成龍相戀，佢大方咁話：「沒有，做人千萬不能後悔，因為每一個過程都是一個學習，一個經歷。」