胡杏兒老公50歲生日大壽Bob飲醉失控　崔建邦被賓客嫌棄催落台

藝人胡杏兒同老公李乘德（Phil）結婚多年都依然咁恩愛，近日Phil 50歲大壽，筵開多席宴請親朋好友，當中包括林盛斌、胡定欣、崔建邦、劉晨芝、陳智燊、林奕匡夫婦等。當晚胡杏兒在台上準備唱歌時，好友崔建邦和林盛斌（Bob）突然自薦上台卻疑被台下賓客嫌棄高呼：「冇你嘅事呀，落返嚟啦！」而崔建邦為自己打圓場：「我哋唔收利是㗎，唔落台㗎！」

在旁的胡杏兒表示：「你兩個（崔建邦和Bob）混吉㗎？」崔建邦回應她：「我哋兩個唔係運吉，係運氣啫，同Phil胡杏兒做一世朋友，我哋算得乜？我哋乜都冇，除做人情外，仲想講幾句嘢，以表我哋對你一家人心意。」最終就算崔建邦當場阻止，也完全沒有用，胡杏兒最後放棄獨唱機會，表演都交給Bob上場，不過就有網民批評他這樣的行為有點喧賓奪主。