李元元宣布開生日Party　孫慧雪蔣家旻爭住參加

藝人李璨琛與太太梁志瑩（Sophia）育有兩女，分別是4歲大女李元元（Lucy）以及出世就快一個月嘅細女Sucy。由於兩個女都生得趣致可愛，因此深受網民喜愛。而「家姐仔」Lucy即將5歲，3月25日係佢嘅生日。今日（19日）Sophia就上載兩條Lucy嘅自拍片，片中Lucy提到自己就嚟生日，所以想邀請一眾粉絲參加佢嘅生日會，更用超得意「奶音」話：「如果大家想去就Send message畀我，或者打電話畀我啦！」而紛絲睇完影片後都爭住留言：「你電話幾多號呀，我要優先訂位」、「預祝Lucy生日快樂」。就連藝人蔣家旻同孫慧雪都話要報名參加呀！