炎明熹下月18歲生日　最想人生第一次吊威吔

「聲夢人氣王」炎明熹（Gigi）今日（20日）為《勁歌金曲》進行錄影，提4月9日便踏入18歲，她即謂不想長大變成人，問她18歲第一件事想做甚麼？她笑言：「換身份證，因為我冇特別嘢想做，但身份證係一定要換。（唔會想試吓買六合彩？）我主張運氣要喺有需要時候先用，所以我係唔會買，用運氣係要三思而後行。（儲埋一次過中頭獎？）更加唔得。（將運氣用喺今年考DSE？）書係要溫，唔可以靠運氣，我每次貼題都唔中。（對考試有冇信心？）都有信心。」

問到生日會如何慶祝？她預計會跟粉絲及家人度過：「家人會喺我生日期間由內地嚟港，所以好開心，因為以往都係我返內地搵佢哋，今次佢哋會帶埋細佬、細妹一齊。」至於生日粉絲聚會是否會大搞？她預告會有個特別的出場方式，問她是否從天而降？她開玩笑說：「可以，咁係人生第一次吊威吔。」她稱仍未知會邀請多少粉絲，要交由歌迷會及公司商量。