獲黃偉文漏夜贈歌詞　張敬軒高水準演繹新作「報恩」

歌手張敬軒（軒仔）日前喺英國倫敦舉行演唱會，現居英國嘅黃偉文（Wyman）日前就喺社交網開Post，話要將手寫好嘅歌詞送到軒仔手上。相中見Wyman拎住封「軒 隱形遊樂場」嘅信封，並留言話：「依家出發，漏夜送去酒店。就算趕唔切尾場，至少希望可以畀你喺倫敦錄首新歌，帶返香港。」

而軒仔收到歌詞相當興奮，回覆Wyman話：「Omg!喊出嚟！我會好好將呢份手信帶返香港，決定要聽晚唱！」之後軒仔即叫Johnny Yim喺設備不全嘅情況下編曲，翌日就「新鮮滾熱辣」喺演唱會尾場獻唱新作《隱形遊樂場》，其高水準演繹令粉絲大拍手掌！而Wyman亦有上載有關片段，大讚軒仔嘅演繹係「好似已經練咗五百年嘅即劏即食飯」，認真犀利！