黎燕珊拒做醫學美容 陳樂榣咖啡店遭破壞冇影響生意

2023年03月20日 21:32
東網電視
更多新聞短片
藝人黎燕珊與陳樂榣今晚(20日)出席食肆開幕,黎燕珊自言愛吃,全靠做運動保養及Keep Fit:「我每日都跑步半個鐘,呢個習慣已經維持咗10年,就算搬屋乜都唔記得搬都唔緊要,一定要搬我部跑步機,呢個就係我最好嘅保養方法。(醫美賺唔到你錢?)咁我都會做脫疣嗰類,但就唔會打針,以前有人搵我做無針埋線,畀十幾萬我,我都推咗,我怕自己做咗就一發不可收拾,所以我同我個女都係純天然。」
近日黎燕珊與胡定欣在劇集《廉政狙擊》的一場都母女戲非常感人,她大讚胡定欣身為視后果然演技好:「劇中角色同我好似,都係單親媽咪,又係重男輕女,所以演得好投入。我問媽咪好唔好睇,佢話我點解成日扮到咁老,美容老闆都話我扮到你咁靚,你喺劇入面就扮到咁老。」她稱為配合角色刻意化老妝,問她會否要求下次飾演靚太?她表示:「有得演就開心,唔會咁多要求,扮靚機會大把,但好劇本難求。」
陳樂榣受訪時,提到她開設的咖啡店早前遭人破壞,她透露未有因此而影響生意:「生意好好,依家仲諗住開分店,好多商場都主動接觸我。(計劃開幾多間?)今年內開一至兩間,依家睇緊鋪,但都要快,因為驚加租,就算未開都要落咗訂或者簽咗約先,亦有諗過將咖啡店同我間珠寶店合作開一間概念店。」
她稱店舖已加裝閉露電視及防盜,亦加大保險金額:「我有叫員工要保護自己,唔好硬碰硬,因為我啲員工都係壯漢同埋對公司好有歸屬感。(查唔查到咩事畀人破壞?)查唔到,我哋冇得罪人又冇欠債,所以都唔知咩事。」