楊冪來港探小糯米?前老爺劉丹爆:我見佢唔到!

2023年03月21日 15:02
東網電視
更多新聞短片
藝人劉丹、吳偉豪、呂慧儀和滕麗名等今日(21日)出席《愛.回家之開心速遞》宣傳,劉丹一提起春天即大唱《迎春花》,顯然心情大靚,其他演員亦跟住唱。
事後劉丹自言音樂造詣不高,平日也甚少唱歌,剛才只是突然想起才哼兩句,問到在家是否唱兒歌氹8歲孫女小糯米?他笑說:「通常都係愷威唱,我唔識唱,兒歌唱嚟唱去都係嗰兩句,佢未厭我都厭啦!」更指兒子早前在港,也曾帶女友李曉峰與他見面,不過現時已返回內地工作。問到李曉峰是否懷孕?他表示:「有聽過呢件事,但又唔太清楚,期待好消息啦!」
談到前新抱楊冪早前與父母現身香港,疑似探小糯米,劉丹表示:「我冇見到,係咩?唔知,見唔到!」而復活節假期將至,丹爺透露孫女的節目比他多,繼早前參加學校鋼琴比賽,稍後亦會在學校活動擔任司儀,問到可有過招給孫女?他笑說:「爺爺講嘢好論盡,唔係咁醒。(青出於藍?)希望啦!」