徐頴堃改劇本搞到精神分裂：想寫個角色畀媽媽！

藝人徐少強與雪梨的女兒徐頴堃（Erica）除了幕前工作外，早前亦參與不少網絡影片的劇本創作，最近她有份創作的微電影《鏈．繫》獲外界好評，更於頒獎禮中獲票選為「最受歡迎微電影」，而主演的王梓軒亦獲得「最佳演員」獎，Erica直言：「今次係好大嘅鼓勵，得到觀眾嘅認同特別開心。」

Erica表示今次微電影以親情為主題，又感謝姨媽米雪演出了其中一個角色：「好感謝姨媽，佢飾演一位單親媽媽，好開心可為佢創作一個角色。」她稱自己在條改劇本時搞到「精神分裂」：「好深刻記得要改劇本嗰段期間，啱啱我喺台灣做嘢，每日都係利用瞓覺時間不停修改劇本。喺四個星期內精神分裂咁寫咗六個唔同嘅故事人物，仲要考慮埋預算、燈光、演員再加入自己嘅想法、機位各種因素，不過慶幸最後算過咗關。」Erica於幕後製作上有不錯的成績，但她認為離寫一個電影劇本還有漫長的路：「呢個係我未來嘅夢想之一，我好想寫一個以鬼做題材嘅古仔，仲想寫一個角色給畀我媽媽，希望佢唔好收我好貴嘅片酬啦！」