何超欣避談何超蓮傳婚訊:我唔知!

2023年03月21日 22:07
東網電視
更多新聞短片
賭王千金何超欣(Alice)與賭王外孫女何鍶珩今晚(21日)在尖沙咀出席活動。「學霸」超欣在麻省理工雙學位畢業後再到清華大學完成碩士課程,已經畢業的她投身社會一年,現在清華大學為世界大學氣候變化聯盟工作,為推動青年關注氣候變化出力。
問到是否對家族生意沒有興趣?她說:「啱啱畢業就算家族生意唔知做乜,所以都需要更加多經驗,同埋做自己鍾意做嘅嘢好重要,依家做緊嘅工作對所有人都係息息相關,有呢個契機幫到更多人比起讚賞更重要。」又指做慈善、公益的工作也是父親宗旨,過去一直支持。
近年在內地讀書與工作的超欣被問到是否追求者眾多?她避談笑言要求換個另一問題。講到何超蓮與竇驍傳婚訊,她則說:「你哋同我講先知,我唔知,冇時間睇報道。」問到假如超蓮結婚會否恭喜她?她說:「邊個結婚都會恭喜。」追問到可有恭喜超蓮,她則再度避而不答。
同場的余香凝指對上一次出席這活動,就是佗住女兒,希望今次也帶來好事,問到是否懷孕?她說:「希望出席完活動有啦,都有計劃今年再生,個女就快兩歲,都唔想兩個年齡相差太遠,同埋一路做吓宣傳,希望觀眾覺得我冇淡出過咗。(仔定女?)同老公都無所謂,最緊要健康,等佢有個伴,佢哋第時可以有商有量,有多個講吓我壞話都好呀。」她又指與老公家族也未試過有孖胎,相信如果打孖上也天意。
講到舊愛陳家樂下月將結婚,余香凝說:「祝福呀,搵到幸福係好開心嘅事,但係就冇特別發短訊打擾對方,大家都比較少聯絡,各有各生活,見到佢工作都好忙。」