Cheronna街頭連唱9首歌：見到觀眾投入真係好開心！

歌手吳嘉禧（Cheronna）日前與結他手Nico在赤柱廣場Busking獻唱，Cheronna表示此行非常開心：「因為平時都係透過直播去唱，能夠喺現場唱歌畀大家聽係開心，雖然天氣係幾熱，不過自己好享受，因為見到現場觀眾或者遊客都聽得好開心。」

近一小時的Busking，Cheronna唱了九首歌，但只唱了一首自己的作品，她說︰「我事前有諗喺呢個環境情況下，大家會想聽到啲咩歌呢？而且我平時唱開嘅歌，大家都聽咗好多，所以想唱一啲新嘅歌畀大家聽，帶畀大家唔同嘅感覺。」其中一首歌，她揀了陳祖的《清醒夢》，她解釋︰「因為我係一個解夢者，所以想唱一啲歌有關於夢嘅主題。」

當她表演時，有位伯伯邊聽邊跳舞，Cheronna大讚現場氣氛︰「我感受到大家應該都滿意我揀嘅歌，我都見到伯伯跳舞，佢係好Enjoy嗰個音樂，我唱嘅時候有話畀佢聽下一首係王菲嘅《夢中人》，佢留喺度跳，佢真係放低個袋畀屋企人又繼續跳喎，能夠令到觀眾咁投入，甚至乎會跳舞，真係好開心。」