陳柏宇纜車上高歌 飛甩太太帶囡囡去拍拖

2023年03月22日 04:02
東網電視
更多新聞短片
歌手陳柏宇日前到昂坪360拍攝,他在車廂中唱出多首情歌,包括百萬點擊作《有天》,柏宇指在纜車上唱歌有另一種滋味:「好有衝上雲霄嘅感覺,唱嗰一刻真係喺天度,真係好啱喺呢度唱。」當日他忘記帶「耳機」演出,笑指車廂唱歌的環境與錄音室相似:「因為纜車唱歌冇觀眾,車廂都冇咩迴音,配埋咁開揚嘅景觀,成個感覺都好特別。」
陳柏宇仲賣口乖話想同家人再來多次郊遊,不過「出口術」話同囡囡「拍拖」不帶老婆同行:「其實我都想同囡囡搭吓纜車,上次一齊嚟都已經係年半之前,當時車廂都冇咁靚同整塊透明玻璃,佢依家四歲再嚟,應該識好多嘢嘅年紀,我估佢會好開心,不過太太就有啲畏高,依家剛剛生完唔好嚇佢啦。」
雖然太太剛誕下愛女,他仍努力為新歌宣傳:「上隻碟個奮鬥感會好沉重嘅,下張新碟會有開心嘅氣氛。」他希望歌曲可以為粉絲帶來正能量:「有很多粉絲由我出道以來就支持我,雖然已經十五年,但仍然願意花心思畀Surprise我,喺演唱會上同導演、樂隊夾好嚟個驚喜大合唱環節,聽到前奏嗰下我完全無諗過,以為只係間場音樂,腦海一片空白,所以衷心多謝佢哋。」