炎明熹19乘3計足1分鐘　悟出大道理變「神算Gi」

「聲夢人氣王」炎明熹（Gigi）性格率真可愛深得網民歡心，近日佢開直播計數，即場示範計出「19X3」，笑指：「大家畀啲機會我，我係會計到出嚟，我依家計畀大家睇。」隨後拎出原子筆及筆記薄開始計數，點知就由乘數表逐一背起：「呢條數係好容易計，九三一十八，九一得九，九二一十八，九三廿四...唔係，九三廿八...」一頭霧水嘅佢又再重新計過：「三九廿七，啱唔啱呀？三九廿七，冇計錯呀嘛？大家計數唔好求心急，一求心急就計唔到。」雖然足足計足1分鐘先得出答案57，但佢就悟出大道理：「老師同我講，心急只係過眼雲煙㗎啫，慢慢地練習先會入到腦…熟能生巧，冇錯啦，計數我諗應該係同樣道理。」網民大讚佢係金句王，仲封佢為「神算Gi」。