陳俞希自爆初吻在K房發生：兩個人愈坐愈埋

ViuTV節目《晚吹–空肚講宵夜》今晚（22 日）播出的一集，主持陳俞希（Hailey）自爆初吻在K房發生：「個陣兩個人愈坐愈埋，就好自然發生咗。唔記得當時係唱緊邊隻歌，但係好記得當時男朋友個嘴有淡淡嘅煙味。」她更笑言印象中當時的初吻好像並不是蜻蜓點水般，令另一主持梁祖堯（阿祖）興奮得不停追問詳情。阿祖指Hailey提及此段往事時，成個人都回春和眼神閃閃發亮。

被問及二人現在仍有否聯絡時，Hailey表示已沒有來往，但曾偶然在社交平台看到對方的近況時，感到驚訝：「因為個時佢係學校嘅壞份子嚟，但係依家佢又戴眼鏡，成個人變到好正經咁。」Hailey笑指如果對方有看到節目，真的不需要傳訊息給她。在旁的阿祖則開玩笑呼籲對方聯絡他分享更多的詳情，場面爆笑。