王祖藍東莞搞春茗　李亞男葫蘆上身孖囡囡行紅地氈

王祖藍有份成立的公司日前假東莞舉行春茗，黎瑞恩、林曉峰，岑麗香、鄺文珣一家三口、李思捷等上台表演，身為主人家的祖藍更攜同愛妻李亞男及兩名女兒一家四口齊行紅地氈。而悉心打扮的李亞男盡顯葫蘆身形，其大女兒Gabby及細女Hayley則以粉紅「姊妹裝」亮相。

問到李亞男Keep弗之道，她說：「除咗均衡飲食及偶爾吃得清淡啲外，湊女亦會消耗體力，仲有個秘密係就算肥咗都照着瘦時啲牛仔褲。」談及首度與囡囡行紅地氈，她冧爆指女兒可愛：「佢哋唔會太怕醜，識同人打招呼，只係要花點功夫氹有性格嘅Gabby。祖藍透露今年連串大計及項目，包括全球演唱會及以在大灣區舉行模仿為主題的綜藝節目。他笑言宣布開演唱會後，有來賓事先張揚要包場，祖藍說：「仲有我東莞嘅前輩都話要包場，好多謝大家。」祖藍續指選在東莞為香港及內地公司舉行春茗別具意義：「東莞係我鄉下，我同鄉下啲親戚同埋對呢個地方都好有感情，亦想趁住今次呢個活動順便宣傳吓東莞。」