星語︱水瓶座馬國明有意外之財娶老婆

今日係3月23日，睇是日星座運程之前，不如挑戰吓IQ題，五官有咩特徵嘅人會見過龍呢種中國神話中嘅吉祥物呢？想知答案就要睇《星語》喇！入正題先，今日嘅幸運星係水瓶座，水瓶座嘅朋友獲好運氣加持，理財有道，易有意外進帳。水瓶座嘅馬國明睇嚟今日有機會賺到多啲錢做結婚使費喎！

處女座嘅朋友整體運勢好唔錯，宜為事業訂立清晰目標。處女座嘅古佩玲近排喺處境劇《愛．回家之開心速遞》嘅戲份愈嚟愈多，今日不妨諗吓之後有咩新目標。

射手座嘅朋友財運同樣好到極，投資易有斬獲，可以乘勝追擊。射手座嘅鄭杞瑤（Kylie C.）今日有啲投資運喎，一定係買咩升咩賺到笑呀！