賴彥妤大騷扮嘢技能　森美讚好

藝人賴彥妤（Vivienna）早前與森美、戴祖儀、王嘉慧等一起主持新節目《Law霸女神》，該節目首次舉行記招時，森美已經非常照顧Vivienna，讚她獲不少律師讚發問問題到位，談到今次做節目，Vivienna笑言：「呢個係我第一個主持嘅綜藝節目，所以都決定豁出去，拍住幾位law霸女神，都要令自己變身『Law霸女神經』，一圓做法律女神夢。」

節目中，Vivienna獲安排扮演不同角色，令她過足戲癮：「導演安排咗我扮阿婆、修女、空姐同埋霸氣媽媽，好多角色都係新嘗試，真係過足戲癮，亦成為咗造型擔當。」

與一班女主持合作愉快，與資深主持人森美合作，更加獲益良多，Vivienna笑言：「可以跟森美大哥學習，已經好幸運，有次仲被讚係Nice Partner，我開心咗一日。」