袁詠儀笠口罩照被認出　原來關逾30萬手袋事

藝人袁詠儀（靚靚）同老公張智霖（Chilam）每次被野生捕獲，無論佢哋係戴口罩、戴帽、戴太陽眼鏡都好，粉絲硬係都一定認出佢兩公婆，點解？就係因為出名愛富貴品牌嘅靚靚，總會孭住一個令所有女士都會雙眼發光嘅包包！尋日（23日）佢哋孖住成班朋友去睇藝術展，明明戴晒口罩都被認出，果然又係關佢個手袋事。

有網民指遇到觀展嘅靚靚同Chilam，相中見到靚靚孭住貴價名牌2022秋冬系列手袋，該經典款式因為外形採用傾斜設計，前後不對稱別具一格，令網民一眼就認出佢，加上個袋款本身一推出即掀起搶購熱潮，現時炒價超過30萬，一袋難求，而靚靚孭嘅桃紅色款就更加難買！