疑網售A貨童裝 雯雯企硬同韓國人攞貨:畀條生路我行

2023年03月24日 15:01
東網電視
更多新聞短片
藝人張致恒(Steven)老婆雯雯早前割席鬧爆Steven冇畀錢屋企,搞到佢依家要自力更生搵錢養家,日前開設純手工寵物零食網店外,又開設童裝網店出售貨品賺錢,但被網友質疑佢以內地網購平貨品充當韓國貨品出售,及標價比內地網站價格高出幾倍,更疑似賣A貨童裝等。雯雯今日(24日)凌晨即急急出Post澄清,直指自己由香港批發途徑選取貨品,亦表明貨品來源,包括韓國、日本及歐美國家,佢亦強調自己嘅網店明碼價、公道自在人心,而且該內地網購平台都有韓國人開户口做生意,暗示自己係同韓國人攞貨,更好有感觸地嘆道:「首先好多謝大家咁關注!但麻煩大家可唔可以畀條生路我同我屋企行 我都係想搵路靠自己去照顧屋企 唔想求人幫助亦唔想靠人可憐 又可以畀到生活屋企 我依家做嘅一切 賣嘅嘢 對得住自己同支持我嘅人。」