炎明熹欣賞前輩黃宗澤：佢唱《K歌之王》OK

「聲夢人氣王」炎明熹（Gigi）今日（25日）為《無限超越群星演唱會》擔任演出嘉賓，唱出多首經典電視劇主題曲，包括已故天后梅艷芳的經典名曲《心債》，因為要挑戰低音，演出時惟有不去想太多技巧問題，亦因此今日緊張到說話也語無倫次：「梅姐嘅歌我覺得難道係非常之大，要真係花好多時間練習，希望今次可以順利演出。」

她表示今日與多位前輩同台演出所以心情緊張，笑指自己處於完全怕羞狀態，又分享自己對其中一位前輩黃宗澤的童年回憶：「我記得小學時期睇過佢主演嘅《護花危情》，聽過佢唱《K歌之王》，我覺得OK。」談到她繼翻唱張國榮、梅艷芳歌曲後，也翻唱過羅文及陳百強的金曲，笑她似乎專唱已故前輩歌曲，Gigi即搞怪反眼說「救命！」，並指的確有意推出翻唱碟：「我有諗過開音樂會唱佢哋嘅歌或者出碟，向佢哋致敬，雖然啲歌例如《上海灘》係難做，但一定會試，唱得唔好係另一回事，練嘅時候就算出錯都冇問題，到上台演繹就要會唱得好。」