洪永城升呢人父新節目　帶領觀眾突破傳統思維框框

藝人洪永城(Tony)為無綫新節目《成人教科書》任主持，升呢人父的他透過與23名小朋友的相處，帶領觀眾突破傳統思維框框，在沒有標準答案下的前提下跳出常規、開啟思維發掘可能性。於「性別斷拾離」環節時，Tony與小朋友何朗怡的媽咪於製作組要求下，將朗怡心愛的公仔及房間裏的粉色物件丟棄，結果朗怡失控爆喊，令Tony不知所措，事後他笑說：「好驚見到女士喊，如果阿囡喊，我會即刻播社交平台片或者唱歌畀佢聽，以前當然係揦手唔成勢，依家經過一段時間嘅音樂洗禮，我準備下屆參加《中年好聲音》。老婆喊更加嚴重，我哋成日話《成人教科書》冇標準答案，但係我領悟到做老公有標準答案，就係一定係佢啱架喇，佢話一加一等於三，就係三。」

談到與小朋友合作多時的感受，他笑言很開心能與他們一起成長：「啲小朋友好得意，好開心佢哋全部拍完呢個節目之後都大膽咗同埋自信咗，更加了解自己嘅長處，我相信呢個亦係製作組想做到嘅效果。