林襄逆天身材紅到日本　遊景點喪影靚相

台灣啦啦隊女神林襄早前隨球隊到日本應援，吸引唔少當地粉絲支持，人氣相當高。之後林襄更成功喺日本獲得工作機會，擔任品牌代言人。日前佢就喺社交網大晒靚相，見林襄有別以往性感形象，變身甜美日系靚女，喺東京著名地標晴空塔、東京鐵塔、淺草寺等景點拍攝，非常吸睛。粉絲見相後都留言大讚：「女神超級漂亮可愛」、「台灣之光」、「女神邁向全世界」。