李元元慶祝5歲生日　擺「港女十式」Cute到暈

李璨琛（Sam）大女李元元（Lucy）昨日（25日）5歲生日，Lucy與爸媽、妹妹Sucy以及好朋友一齊喺屋企搞生日會慶祝，仲開埋直播同粉絲見面。片中見Lucy拎住靚靚蛋糕瘋狂影相，更擺出「港女十式」，場面搞笑。

之後Lucy喺直播中用「超萌奶音」話︰「今日係我生日，多謝大家！」當爸爸Sam問佢有咩願望，Lucy表示：「想好開心！」。之後阿Sam話︰「因為特別嘉賓（Sucy）趕住瞓覺，所以要開始切蛋糕！」而Lucy同朋友吹完蠟燭後，好興奮咁切蛋糕，之後就同一眾粉絲講Bye bye，繼續食蛋糕！