星語︱波波事業心強大　劉佩玥性感獲肯定

今日係3月27日，睇是日星座運程之前，不如挑戰吓IQ題，「ABAA BBA ABB BABB AAB BBB」，估一句英文常用語。想知答案就要睇《星語》喇！入正題先，今日嘅幸運星係白羊座，白羊座嘅朋友事業運好強，專注工作有着數，千祈唔好為私事分心。白羊座嘅黃婧靈（波波）不嬲事業心都好強，相信唔使點提醒，佢都咁專心工作。

處女座嘅朋友財運唔錯，不過唔可以心存僥倖，都要付出努力先得。處女座嘅劉佩玥近排喺劇集《隱形戰隊》表現出色，你嘅努力今日會有回報嘅！

至於水瓶座嘅朋友，工作表現受肯定，要繼續努力，千祈唔好得意忘形。水瓶座嘅張景淳聽到未？大家都想繼續喺處境劇《愛．回家之開心速遞》見到你！