「韓國通」嚴崇天做主持識搞氣氛 被鄭裕玲讚完再讚

2023年03月27日 10:02
東網電視
更多新聞短片
「韓國通」嚴崇天日前為《2023 韓國旅遊嘉年華》擔任司儀,見慣大場面的他今次站上舞台卻異常緊張,事關能夠與前輩鄭裕玲(嘟嘟)同場:「2019年我主持車銀優嘅粉絲見面會,估唔到事後嘟姐會喺電台開咪讚我識搞氣氛,可惜我一直未有機會多謝番佢,咁嗰日我梗係把握機會啦,佢再次同我講,做得好咪讚囉。」
活動上亦邀得韓星梁耀燮擔任嘉賓,原本只安排他教大家講韓文,但即興加插嘟嘟反過來教梁耀燮講廣東話,阿天笑說:「嘟姐話梁耀燮要望住佢講,原來係教佢講「你好靚女」,搞到全場起哄。事前我都有機會先同梁耀堅溝通一吓,發覺佢好親切,當佢知道我識韓文好驚訝,讚我韓文講得好,仲同我講等陣靠晒你喇。」
阿天坦言今次活動有韓國國際觀光部本部長,以及韓國駐香港領事館官員等出席,令他緊張到失眠幾晚,幸而最終「順利過關」:「嚟緊佢哋仲有一站宣傳,我應該會冧莊做主持,要繼續加油,唔好失禮街坊。」