「哈利波特」丹尼爾烈格夫榮升準老竇

飾演「哈利波特」的33歲英國男星丹尼爾烈格夫（Daniel Radcliffe）榮升準老竇，宣布其38歲美國女星女友Erin Darke懷上兩人的首胎。日前他們於紐約行街時，女方被拍到腹大便便。知情者透露：「丹尼爾好興奮可以做老竇。佢同Erin個關係好特別，大家都覺得佢哋會係好父母。佢哋都守咗個秘密好耐，直到依家佢隱藏唔到個大肚。」

丹尼爾與Erin合作2013年電影《Kill Your Darlings》時邂逅撻着，上年10月丹尼爾接受雜誌訪問時談到戀情，表示：「我同女友拍拖差唔多成十年，我哋好開心。」